◎    漢字辭 ee 台語音                    ( 以下 錄自 林繼雄「大學台文課本」74~77頁 )

        咱 今仔日 所常見 ee 漢字，大部份 攏有 兩個以上 ee 字音，即：
                   ____

       Teq 組合 兩個漢字 來 成做 一個語辭 ee 時陣，頭一字 na 讀 文言音，第 二字 也 就 eng 文言音 來 讀。   整個語辭 就 成做 文言辭。  某一個語辭 是 文言辭 或是 白話辭，thafng由 官話中 是否 有這個語辭 來 查證。  Ti 官話中 所存在 ee漢字辭，大概 thafng eng 台語 ee 文言音 來 讀出。
                                             .
       以上 所講 ee，不過 只是 一個 原則。  任何 話語，攏 tioh ti 實際 生活中 受著 多數人 ee 使用。  無人講ee 漢字組合辭，ti 台灣話中 是 無受 承認 ee。
                                             .
       某一個 組合辭，為什麼 無人 講 leq?     有幾個仔 可能性，就是： (1) hef ti  聽覺上 不成意思，(2) hit'ee發音 歹聽 或是 (3) 很可能oe 受人 誤會做 另外 一 個 khaq-通俗 ee 語句。
                                             .
       這款 ee 時陣，咱 就 ka 伊 放棄，或是 改用 口語音 來 讀出 其中 ee 一字。   總之，boeq thafng 講出 一百分之一百 準確 ee 台語，必須 虛心學習， 而 mxthafng 隨便 造辭造音。    Eng 台語 研讀 漢字文 ee 時陣，na見著 無常見 ee 漢字句，最好 去 請教 老大人，或者 ti 同事間 互相 研討 來 判斷最可能 ee台語發音。   切切 mxthafng 輕率大意。

◎    明朝以前ee台灣人

       南宋 ee 趙汝漳 寫 遊記暗示(1229)，『流求國(台灣西岸)能通言語，並用漢字 』。     其實 ti hit'ee 時代，整個 中原 ee語文教育 也無 什麼 規範，只有 少數 漢人家庭 ee 子女 有機會 學字 naxtvia。    當時，ti 台灣 ee 地主 kab 家有家產 ee 人，ciaq oe chviax「教學先生」來 厝裡 教 子女 識字。     所用 ee 教材，就是「三字經」「千字文」「弟子規」等。
                                             .
        元順帝 ee 至成二十年(1360) ti 澎湖 設置 巡檢司，致使到 kab 大陸 ee 交往 相當 活躍。     可惜，明太祖 建國(1368) 就 實行 海禁政策，台灣 kab 大陸 就 斷絕了交往 兩百年。
                                             .
◎   台灣人ee漢文
                                             .
        明朝 承平兩百年，人口極增，偷渡 來台灣 ee 漢人 愈來愈多。 自 afnny，ti 1567年 不得不 開放海禁。  鄭成功(1623～1662) ti 攻台 成功ee 隔年(1662) 過身。  伊 ee 後生 鄭經 繼位以後，就 繼承 遺志，實施 明制，設立 學校，端正 社會風紀。    1665年，建成 孔子廟，1666年 修復 金門 kab 廈門。   1672年 kab 英國通商。   招來 大陸移民，ho 台灣ee 漢人人口 極增 kaux 20萬人。
                                             .
        台灣人 尊重 漢學，由 citsii 開始。    Ti 台灣人 ee 心目中，漢字 是 先賢 ee 遺物，漢文 是 孔子 ee 所創，乃 神聖 不可侵犯 ee。   Eng 漢字 寫文 必須 恭敬，文章 必須 遵規。 Zef 就是 講，無按照 古代漢文 ee 格式  寫文章 是 大不敬 ee。
                                             .
        人 講話，thafng 隨便，但是 寫文章，就 boexsae 亂寫。     Cit'ee 觀念 ho 一般人 感覺 筆口異調 是 自然不過 ee 事。   每每 將 普通 口頭 所講 ee 話 先 翻譯做 千年前 ee 漢語，ciaq emg 漢字 去 寫出。   Zef 原來 就是 文人 應該 熟練 ee taixcix。    1919年，五四運動 之後，ti 台灣 也有 發生 白話文運動。    第一代 ee 作家，如 賴和、楊雲萍、陳虛谷、楊守愚等，就 將 台灣話 ee 口語 翻譯出 官話文(中國白話文)，再 看需要 ciaq 插入 台灣方言、俚諺、俗語等。
                                             .
        1930年代，就 發生 學者間爭論 台灣白話文 ee 派別問題。    到底 boeq eng 官話文形式 來寫出 或是 應該 完全 依照 口頭講話 ee 順序 kab 口音 來 寫出來，是 當時 ee 文學爭執。
                                             .
         Ti ciaf 也 存在著 一個疑問，就是講，文章 是否 需要 格式?   文章 ee 格式 必須 由 教育 來 普及。   但是 口語 是 ti 鄉間 自然 teq 講 ee。    將 cit'ee 無符合 文章格式 ee 口語 寫出來，讀者 si-mxsi 有可能 完全 順暢 來  了解leq?
                                             .
          另外 一個問題 是，台語中 ee 口氣辭 kab 情感表達法。    Ciah'ee, 大部份 攏 無存在 ti 官話文 ee 內面。  Na boeq eng 官話文 來 寫出 台語，就 tioh 犧牲 部份 ee，鄉民 真實 ee 情緒。     Cit'ee 犧牲，oe 破壞 � boeq 寫文章 ee 目的 iar boe?
                                             .
           Boeq eng 有限 ee 漢字 來 寫出 台灣人ee 無限 ee 心聲，確實 是 困難 ee taixcix。 Na 是 機關公文、理論性文章等，無需要 下入 感情 ee，所謂 ee 的「事務性文章」，全面 使用 漢字 是 完全 無問題 ee。  但是，小說、兒童文學、詩歌等，極重視 文中 情緒 ee 發展 ee「情感性文章」，kvafnar 無應該 來 期待 eng 漢字文 去 寫出來。    這個分際，tioh 考察 清楚 ciaq 有可能 發展出 未來 ee 台灣文藝。