【人間有愛❤️】
一名孕婦在網上分享分娩前遇上的好人好事。
表示自己比預產期早了作動，需要立即截的士進醫院產子。
幸好遇到熱心司機，不但沒有介意她弄髒座位，甚至全程「專業式」安慰。
「臨上車前一刻穿左水係車門邊企左好耐，雖則佢都知我會整污糟佢架車，但都不斷安慰我。
唔好急 慢慢黎 深呼吸先上車。
上左車之後司機都一路同我講野使開我注意力，叫我忍住 好快到(雖然我知唔會好快，因為我穿左水陣痛緊既情況下佢無辦法揸快車)。
佢成程車亦一直不斷叫我大啖吸氣 呼氣 (佢真係好專業，因為佢話除左揸的士之外都讀過急救)。」
孕婦到達醫院後，司機並沒有立刻收取車資，而是讓孕婦的姐姐留下司機的電話，讓她安頓好事情後才轉帳給他。
「司機哥哥仲第一時間落車幫我同醫院啲人講我穿水生得，最後我上完擔架比人推上產房唔夠五分鐘bb就出世，成個過程由屋企樓下上車到醫院生仔 我諗只係45分鐘既時間，真心多謝1309既綠的司機哥哥，因為你，我個bb成功健康平安出左世啦！」
圖片來源：的士司機資訊網Taxi