今年過咗8個月，但Viu TV嘅成績幾何級數跳升，旗下嘅MIRROR同ERROR紅到黐線，仲陸續有作品衝出香港，令香港劇集有更多人認識。最新嘅喜訊係由鄧麗欣、顧定軒、MIRROR同ERROR成員等主演嘅《男排女將》，會喺本月18號喺美國嘅KTSF電視台播出，KTSF嘅官方fb亦宣佈咗呢件事。
另外兩套Viu參與出品嘅台劇《第三佈局塵沙惑》及《超感應學園》亦先後推出，《第》劇有鏡仔Stanley參演，日前已經播完，香港就未知幾時出；但另一部由姜濤同Anson Lo參與嘅首部台劇《超感應學園》，除咗今個禮拜六（7號）正式喺台灣八大電視播出外，香港都會有得睇，Viu已暫定喺下月13號播出~
至於港版《大叔的愛》，今個秋天會喺日本嘅「TELASA」、「テレ朝動画」、「CSテレ朝」3個頻道播出。Viu接連有四部劇喺日台美播映，真係香港以外嘅一個美好起步~