「牛下女車神」李慧詩女子爭先賽奪銅牌

女子爭先賽銅牌戰 李慧詩撼贏「世一」 相隔九年再奪銅

奧運爭先賽銅牌賽採用三盤兩勝制,港隊代表「牛下女車神」李慧詩以局數2:0擊敗世界排名第一,德國選手Emma Hinze ,繼2012倫敦奧運凱林賽後再奪銅牌,亦是港隊今屆第6面獎牌。

Sarah賽後第二次訪問,相信好多人都聽到喊。

值得留意嘅係, Sarah用咗好多篇幅去感謝團隊。並且形容自己同團隊嘅配合,係一個突破。

節錄部份精彩發言:

「凱林賽輸咗嘅時候,教練同我講:
『Olympic games係一個Game,係遊戲。』

電視上面好多人會講年齡,但我又唔係選港姐。係咪35歲先無得選(港姐)㗎?我仲有一年,哈哈。

我要多謝所有支持我嘅人,我嘅團隊,仲有我自己。

今年我嘅目標係要同工作人員相處愉快,如果我中間有好多唔好嘅脾氣,希望佢哋原諒我。

咁多年,而家13年,如果無你哋,我唔會再行到嚟呢度。

我感覺到着住我哋香港隊嘅衫,有你哋咁多人嘅力量,喺我嘅單車上面。

攞唔到金牌……人生就係咁,好努力完成一件事,但好彩我哋盡力過,無悔,唔好後悔。

我好想飲可樂啊,因為我呢幾日都好想飲可樂,但係冇得飲。」

不斷承認自己失誤,不斷感謝身邊團隊,不斷調整自己心態。
Proud of you.

發佈留言

發佈留言必須填寫的電子郵件地址不會公開。 必填欄位標示為 *