【阿Dee@ERROR激罕公開女友相 感激低潮期不離不棄：she told me so, Thank you】
近年事業如坐火箭般的阿Dee（何啟華），剛於前日（10日）踏入31歲，雖然生日正日獲「不速之客」問候，不過無影響他的心情，昨晚他在社交平台發表生日感受，寫道：「Happy Birthday to me ，生日係應該要快樂，如果生日不快樂會很痛苦，彷彿失去了，為自己存在而慶幸的既有權利，每個人的生日都應該Respect。」
看來阿Dee今年的生日應該很快樂，因為他之後寫：「今年我經歷了，人生新嘅高峰，得到了很多我沒想過會有的，亦得到很多我一直在追求的。」除了文字上流露出快樂，阿Dee也為大家帶來視覺享受，不但上載多張疑似女友視角的靚相，更罕有公開女友文芊澄（Lily）側面相。
雖然阿Dee這位摯愛「文文」已經不是秘密，但向來低調的Lily，甚少現身於阿Dee的社交平台，不過成功入圍《全民造星4》後，看來Lily要重新逐漸習慣面對鏡頭。本來是幕前人，後來轉任編劇的她曾表示：「幕後這幾年向寫作、編劇方面發展，很久之前都是演員，自己放棄了，今次知道有這個機會，我想把握所以報名。」
阿Dee（何啟華）前日31歲生日，佢嘅fans「羊群」除咗送物資捐俾流浪貓慈善團體外，亦喺多個巴士站租燈箱廣告，阿Dee喺生日正日特登去打卡，點知遇上警察，仲被網民拍下照片，其後阿Dee喺ig story留言報平安：「我只係食完生日飯，打算影張相，最後：係成功嘅！放心，我已在歸家途中，大家都冇事我就真正放心。」
相隔一日，今日凌晨阿Dee喺社交媒體貼咗一輯相信係前晚生日時影嘅相，有喺燈箱打卡、餐廳許願、同埋女友大側面嘅相等，阿Dee發文話生日應該要快樂，如果生日不快樂好痛苦，會好似失去為自己存在而慶幸嘅既有權利，每個人嘅生日都應該respect。
阿Dee表示今年經歷咗人生新嘅高峰，得到好多冇諗過會有嘅嘢，亦得到好多自己一直追求嘅嘢，不過以前乜都冇嘅時候，100%嘅快樂好似嚟得比較容易，「人越大，責任越大，能力越大，壓力越大，世界太過變幻莫測，價值觀不斷扭曲時，適應係暫時唯一出路，相信大家都有不同程度嘅共鳴，因此我用呢個Post嚟remind自己及分享給身邊愛我嘅每一位：「 is from simple things」- she told me so, Thank you. 呢個she，都應該係指女友啦。最後，阿Dee特別hashtag「#你們也要快樂」「#我才覺得很快樂」。
阿Dee曾經說過，在他生命中最重要的兩位女性，在他事業未有起色時，已經認定他終有一天會成功，一位是阿Dee母親，另一位就是Lily，2018年Lily參加《廣告女王》時，阿Dee在IG寫道：「除咗我阿媽，妳就係另一個默默守護我嘅女人，三年半前遇到妳，我演藝事業剛剛起步但一直浮浮沉沉，但妳無條件相信我終有一天會成材。」這是Lily首次現身在阿Dee的社交平台上。
3年後，事業有成的阿Dee，女友再次現身在他的社交平台上，有感「人越大，責任越大，能力越大，壓力越大」的阿Dee，對於這位與他同甘共苦，陪他走過低潮的女友，阿Dee滿懷感激說：「she told me so, Thank you」。