《媽媽的神奇小子》口碑極好
吳君如爆劇本被拒10年
古天樂出手撮合終成事

熱血港產片《媽媽的神奇小子》改編自殘奧徑賽金牌得主蘇樺偉的傳記，由尹志文編導；吳君如、監製及主演，同戲更有梁仲恆、張繼聰、馮皓揚、盧海鵬、鍾雪瑩、林家熙（Locker）等人主演，電影票房已衝破1000萬，口碑極好。

監製兼主演的吳君如今日（25/8）在IG出post，表示與導演尹志文相識多年，她亦得知不少行內人提及尹志文著手搞蘇樺偉的劇本已經很多年，在各大公司兜兜轉轉都未能開拍，終於在大前年由古天樂出面搵吳君如睇下有無興趣，當她看完第一稿劇本便約了導演傾，一傾更傾足一年。

吳君如表示：「因為我覺得個故事最好睇同最感動我嘅係蘇媽同偉仔嘅關係。感動我嘅唔只係偉仔嘅毅力，而係做偉仔嘅媽媽需要更大嘅毅力。其實體育、田徑、比賽、輸贏、金牌都係其次。

母子關係先係呢部戲嘅核心，我每次見到蘇媽都好感動，我好佩服佢，覺得佢好偉大。我不停在想如果我係佢，我會唔會做到佢咁？其實尹志文導演都有無比毅力，佢搞左呢個戲十年，死咬住唔放，中間經歷好多老闆嘅拒絕。

同我傾劇本，我都好蹺口摻手，但係佢都一一捱過來，我第一次見到蘇媽，連佢都話拍出嚟邊有人睇㗎。」