「油麻地公主」向傳媒大呻委屈，你又撐唔撐？大家留言傾一傾。
由於篇幅所限，圖中只列出「油麻地公主」接受多間傳媒訪問時之部份重點，亦未能趕及加入片主UD Leung在Facebook的澄清。小編另以文字為大家整合「公主」受訪和九巴回應的的完整重點，以及片主的重要澄清和反駁。
👉【「油麻地公主」辯解】
●當巴士到站，她由上層落樓梯，但一名同樣要在該站下車的胖漢，因行動不便，在樓梯慢行，擋她去路。她心知不妙，遂在樓梯不斷高聲提醒車長「有落」勿關車門，惟「司機可能聽唔到」，未確定乘客完全落車前便關門。
●當她落到巴士下層，車門已關上。最初她要求車長重開車門時，巴士還未駛離站，並非如九巴和車長所指般，已駛離兩個車位，「我肯定落到下層時未開車」。惟車長未有理會她的要求，反而將巴士駛離車站少許，令她、胖漢和另一名乘客合共3人未能順利下車，覺得司機「玩嘢」、「特登唔俾落咁」。
●當巴士駛離站少許，仍停在慢線，亦未駛至消防局出入口對出，即使車長當時讓她落車，都不會有危險，亦不會阻礙緊急車輛出入。
●她強調所乘搭的九巴270A號線，經常被人投訴飛站等問題。她一年搭幾次，都有同樣遭遇。
●她原定要去油麻地出席重要會議，若她順利下車，仍尚餘約10分鐘可趕赴開會場地。但由於車長要她在下一站才能下車，令她最終要多花5至10分鐘，才抵達目的地，也令會議延遲10多分鐘。
●她承認因要出席重要會議，非常趕時間，比較心急，故當車長拒絕開門讓她落車時，便「壓力爆煲」，情緒激動地責罵車長，「語氣好差」，自己「都唔係100%啱」。
●她為自己在巴士講粗口，向公眾道歉，「我唔應該大庭廣眾爆粗」。
●但她拒絕向車長道歉，「我諗佢花生已經食到飽，唔需要任何人道歉」。她亦不認同車長被讚EQ高，反批對方完全沒有解決問題的意識，「如果佢肯趁未開車嘅時候，開開車門，好多事唔會發生」。
●她否認因玩電話而忘記下車，而「係因為俾人塞住，落唔切下層」。她認為網上片段未能反映事情原貌，強調自己「唔係公主病發作」、「唔係無啦啦要人開車門，我唔係黐孖筋」。
●她懷疑當時在樓梯阻她落車、而本身自己都要落車的胖漢，可能就是拍攝她責罵車長、再將片段上傳至互聯網公審她的人。她慨嘆自己「好似被人整蠱，好唔抵」，重申自己「唔係黐線」。
👉【片主回應】（本身是巴士迷）
●與「油麻地公主」同坐巴士上層的片主澄清，自己並非在樓梯阻擋「公主」落車的胖漢，自己和胖漢亦非與「公主」同站下車，估計「公主」誤當他和胖漢總共3人受影響。「我去尖沙咀中間道，唔存在所謂兩個人落唔到車；有嘅話，我哋一齊X咗車長啦。」
●片主指，「公主」在巴士上層高叫車長等一等時，車門已響起關閉提示，正在關上。「當刻喺上層嗌落去，車長聽唔到，不足為奇；亦唔排除車長聽到，但公主態度不佳，車長又唔見有人從樓梯出來，而唔再開門。」
●片主認為，「公主」落樓梯繼續嗌車長等一等時，車長已鬆開手掣，準備開車，「專注睇右鏡；而CCTV塊mon細得嚟、又未必見到公主，樓梯位就更加係盲點，車長視覺上睇唔到亦合理。」而當「公主」抵達下層時，他確認巴士已駛離車站兩個車位，九巴所言非虛。
●片主確認「公主」在「上層樓梯位俾個男人擋住」屬實，但不認為對方肥胖。「片入面都見到，花衫男人就係，而男人之後亦都讓咗路畀佢。」
👉【KMB 九巴專頁回應】
●對於「油麻地公主」責罵車長「我點X知你下個站去邊呀！開車門呀！我趕時間呀！」，九巴在Facebook以hashtag，不點名暗諷對方：「車門非聲控」、「報站器同App1933都睇到下一站去邊度」。
●九巴又在Facebook提醒上層乘客，應「喺安全情況下，預早少少落下層準備落車」，亦要「預早企喺車門附近」，「唔好等到最後一秒先衝，咁就可以避免發生意外，或者趕唔切落車啦！」
●九巴回覆傳媒查詢時，稱翻查閉路電視後，證實有7名乘客在該站正常落車。當在巴士駛離車站兩個車位、即約24米時，一名女乘客從上層下來，要求車長開門，讓她落車。車長遂安排該乘客在下一站落車。
●九巴讚賞該名被辱罵的車長，表現冷靜，處理恰當。
●九巴慰問「因錯過下車而其車上表現被網民公開的乘客」，但留意到該名乘客曾辱罵車長，期望所有乘客能心平氣和搭車，並提醒市民若被控違反《公共巴士服務規例》第230A章13A條罪成，可被判罰款$5000及監禁6個月。
●自稱網上片段主角已致電九巴，要求調查事件及回覆。九巴會按既定程序處理，適時回覆。