浸大學生會編委會昨日（17日）報道指，有學生發現教學及行政大樓（AAB）1個課室足足裝有3個監控鏡頭，其中兩個鏡頭面向學生，擔心被侵犯私穩。
學生會記者巡視後確認有關情況，向傳訊公關處查詢。
浸大回應指，佢哋係即將增設「智慧教室」，此舉有助同學更加投入課室。
浸大回覆表示，為咗提升網上及混合教學模式嘅成效，加強師生互動，正喺到籌備「智慧教室」試驗計劃，會喺16個課室加設鏡頭。
浸大話呢啲鏡頭係要俾視像軟件遙距上課學生睇到講師之餘，又可以實時參與課堂討論。
校方又提到，呢啲裝設嘅鏡頭尚未啟用，會先舉行「智慧教室」工作坊，俾教學人員熟習新嘅教學設施，同埋喺未來兩個月諮詢師生，又會確保有關安排符合《個人資料私隱）條例》的規定。
浸大編委會指，鏡頭完成安裝後才諮詢師生，用意耐人尋味。睇返資料，中國大陸近年新興嘅「智慧教室」會安裝面向學生嘅監控鏡頭，結合人面識別去評價學生表現，未知浸大係咪採用同款系統。