鄭中基相隔11年二再開歌迷聚會

鄭中基(Ronald)噚晚喺海洋公園舉行新歌《我們》mv發佈會及YouTube channel「機動電視台」30萬subscribers訂閱嘅fans見面會。

太太余思敏同一對仔女都有到場支持,同「暖男爸爸」Ronald一齊共度美好時刻。

今次出席fans接近800人,Ronald有唱歌、又同fans玩遊戲,Ronald話對上一次嘅歌迷聚會已經係11年前,所以呢次同fans gathering係好開心嘅。

佢喺Q&A環節透露想再開演唱會,Drive-In個show只係做到自己心目中嘅一半,希望第日可以做到一個有車、搖滾區同埋落台同觀眾一齊玩嘅concert。

另外林家謙為Ronald演唱會做嘉賓後,亦會同Ronald合作寫歌;而Ronald嘅YouTube channel就會加搞笑短劇、遊戲之類綜藝節目,令大家開開心心。

Ronald噚晚仲首播《我們》mv,呢首歌係佢送俾奶媽嘅作品,亦係繼《無賴》之後再為mv做導演。

Ronald曾經講過:「佢啱啱喺我演唱會前走咗,104歲。我每次演唱會佢都嚟睇,但因為疫情,醫院又探唔到,姑娘拎個iPad、iPhone對住,佢眼唔好耳唔好睇唔到啲咩,突然發生又做唔到啲咩,寫隻歌希望大家珍惜身邊人與事。」

呢首歌帶住Ronald嘅故事,而fans聚會有錫佢嘅樂迷,又有家人陪伴,呢個gathering都好有意思。

發佈留言

發佈留言必須填寫的電子郵件地址不會公開。