來吧倒轉地球
呢隻碟…………
真正做到人聲同時分離……
好難得~~!
重點，詞典分離，係分子唱法既最高境界!
【陶大宇最新影片 親自回應宇宙腔唱hit《倒轉地球》：我唱歌好得意咩？】
58歲 #陶大宇 近期以獨有「 #朗誦x宇宙腔」唱 #劉德華 作品《 #倒轉地球》唱到出晒位，好多人睇完都話好自癒，連保錡@ERROR都話loop咗百次，成為網上洗腦歌，陶大宇亦因此變成網絡大紅人，倒轉樂壇，人氣爆燈度過原唱者，巴閉呀！
一首飲歌激起千層浪，陶大宇喺內地登台多條短片喺YouTube俾人Click到爆晒標，佢唔止扮劉德華唱《倒轉地球》、《 #愛你一萬年》，仲有唱 #郭富城 跳舞神曲《#唱這歌》。
《娛壹》喺網上搵到陶大宇新嘅登台片，相信係佢日前返內地演出酒吧騷，着住白西裝、黑色褲、白鞋，貫徹其八、九十年代影星風範，佢問現場觀眾最近有冇留意佢嘅抖音，仲有啲自豪咁話：「最近我嘅抖音裏面有一個現象，我都好詫異嘅，就係點解你哋會鍾意我唱《倒轉地球》嘅呢？我唱歌好好聽咩？」聽到陶大宇咁問，台下嘅內地觀眾即起哄，答佢：「係呀！」有人肯定佢嘅獨門唱腔，陶大宇沾沾自喜：「我唱歌好得意咩？點解要我唱《倒轉地球》嘅？」
一首飲歌hit到去宇宙，相信主辦單位都想食住個勢，指定陶大宇再唱佢嘅神曲《倒轉地球》啦！
除咗獨門唱腔，陶大宇嘅 #水撥式台風，都係網民「至愛」，陶大宇續說︰「係咩現象呢？可能係鍾意我嗰個台風呀！」
又問台下觀眾︰「知唔知咩嘢台風呀？係咪呢個呀？」一路問一路舉起手，做出佢嘅招牌式台風：「呢個似咩呀？係咪似Bye Bye呀？佢話我似擋風玻璃嗰個『水撥式』姿勢，如果大家有興趣嘅，一陣間跟我一齊做，好唔好……