新手攻略|係香港點買 Bitcoin 最平最方便?

Bitcoin 大家聽就聽得多,但其實好多香港人都唔知去邊度買虛擬貨幣。而家係香港買 Bitcoin 其實一啲都唔難,比起你去開銀行戶口或者證卷行戶口方便得多,要 Cash Out 都非常方便,而家係市場上買 Bitcoin 最划算既做法係先買穩定幣 USDT,再透過交易所轉做 Bitcoin(透過 BTC/ USDT 既 Trading Pair),而家穩定幣 USDT 非常流行,好多地方都有得交易,差價仲十分之細,你將佢當做係加密貨幣版既美金就得。

係度為大家簡單介紹下能夠入金既渠道同埋唔同交易所既特點,希望幫到一啲從來未買過 Bitcoin 既新手。

1)Binance

首先,Binance 交易所基本上係必開,亦係現時買賣幣最方便最划算既途徑,由於佢係目前全球最大同最有公信力,通常無論係 Trade 現貨同期貨、甚至收息都會係上面做。

佢最近出埋期貨 & Margin,成交量大同有深度,差價細,上既幣都經過精挑細選,通常新幣一上都會 pump 一浸。Binance 係短短成立八個月後既盈利已經超過德意志銀行,同 Nasdaq 並肩。買平台幣 BNB 用黎支付交易費仲會有額外 25% 既手續費減免

係香港點買Bitcoin最平最方便?

呢個係 Binance 既 P2P Trading 版面,你可以自由根據自己想要既交易方法(例如 FPS、銀行轉帳)選擇賣家,然後同佢哋購買加密貨幣,整個交易過程一般只係需要幾分鐘,而買賣差價只係 $0.02 美金,非常之平。由於上面既商家都係 Binance 上面做左身份驗證,同係 Account 上會有相應數量既幣先開到廣告,所以唔需要擔心上面既商家會「走佬」,至於賣返出去都係經同一個平台,等商家經銀行轉帳或者 FPS 你之後,收到錢之後放幣俾佢就 OK,詳細操作可以睇睇我哋另一篇文章:2 分鐘買幣的秘訣:最方便安全又便宜的途徑 – Binance P2P

Binance 而家仲可以直接用信用卡買幣,Visa & Mastercard 都收,係而家最方便既買幣渠道。雖然會收 2.5% 既費用,但速度最快,2.5% 係幣市真係唔算啲乜(當然如果你想划算啲都係用返 P2P Trading 啦)。如果你比較熟悉信用卡優惠&回贈既話可能係一個唔錯既選擇。有時佢哋仲會舉辦一啲活動 Waive 埋手續費,果陣就係入手加密貨幣既最好機會!

Binance 仲有好活躍既中文用戶群: t.me/BinanceChinese

2)AAX

AAX 係香港比較 Local 既交易所,Office 係炮台山既 AIA Tower,介面相對簡潔(因為無 Binance 咁多 Products),佢哋既 CEO Thor 都非常活躍,同新城電台合作搞左啲電台節目,亦有去唔同既 YouTube Channel 接受訪問。佢哋用緊倫敦證券交易所集團既 Trading Engine。

係香港點買Bitcoin最平最方便?

同 Binance 一樣,佢哋既 P2P 都非常貼價,而 AAX 都會定期舉辦交易活動,無論係交易現貨或者期貨都係唔錯既選擇,由於比較新,相比起用戶數量極多既 Binance 會比較容易贏到上面既奬金。透過 AAX 既任務中心完成一啲簡單既任務仲可以拎免費既 AAB(佢地既平台幣)黎俾交易費。

佢哋仲有 Telegram Group 解決用戶既問題,一般都覆得好快:t.me/aaxhongkong

3)火幣

火幣——國內老牌交易所,而家打緊全球市場,屬於幣圈入面既頂級交易所,可以用槓桿交易,有自己既平台幣 HT,持有者會有空投、手續費減免等福利,據聞同中國政府關係較好,透過火幣 Fiat(法幣)出入金係最方便既出入方式之一。由於 Binance 出左 P2P 服務既關係,而家唔少人都用少左火幣。價格由於火幣會收取商家費用,而商家就梗係會將成本轉嫁俾用戶,所以價格比較「離地」。

係香港點買Bitcoin最平最方便?

火幣 OTC 是出入金最常用的渠道之一

係上面揀左啱心水既商家之後,會自動彈出對話,可以直接同上面既商家以 Message 溝通,按上面所寫既轉帳方法,例如 FPS 或者銀行轉帳,俾完錢之後提供證明俾對方就可以收到啲幣,上面一入去有埋 Video 教學,通常做開既商家都好快手。

係香港點買Bitcoin最平最方便?

火幣 OTC 上的商家大多都非常專業

4) Tidebit

公司係柴灣,開戶有 $50 HKX(pegged HKD 既幣)送,用支票、電匯或者親身拎 Cash 去佢地 office 都得,最近仲支持埋「轉數快」,近期得親自上佢哋 Office 俾現金先唔洗手續費,由於價格相對較貴同埋 UI 唔係太靚,自己而家都少用,但因為佢都算係早期香港開既 Local Exchange,都仲有班人用。

Tidebit 而家係佐敦&灣仔有兩間「概念店」,仲係地舖黎,其實就啫係找換店咁,等大眾可以好方便咁交易加密貨幣,但都係有一定手續費既。

5) Wirex Card

Wirex Card 係一間英國公司,只要申請佢哋既 Wirex Visa Card 就可以通過佢哋既 App 用其他信用卡購買加密貨幣,同時賺埋 BTC 回贈。最大既賣點係完全免費,連運費都唔洗俾,仲要幾日就會經 DHL 送到,用黎買加密貨幣的確係一個幾平(只有約 1% Fee)同方便既渠道,仲可以配合其他信用卡使用優惠 Combo。

關於點申請&詳細內容可以睇返之前寫既呢篇文章:Wirex 記帳卡 – 加密貨幣免費入門最佳之選 + 高達 1.5% 購物回贈 + 10 USD 迎新獎勵 

其他:

6)Genesis Block – 係灣仔既 OTC 平台,如果你想買賣 10 萬以上既話用呢間個價唔錯。而家無記錯好似 5 萬起有交易,佢地 Office 成日有 Blockchain events。門口設有 Bitcoin, Ethereum, Bitcoin Cash ATM。

7)BitStamp – 老牌 exchange,2011 年已經係度,可以係銀行轉做 USD 電匯過去。

8)Bitcoin ATM – 香港有 Nitroswap、Genesis Block 兩間,好處係唔洗做 KYC,但通常超級、超級貴!

9)Myethshop – 由 2 個 90 後開,要先做 KYC,本地銀行過數,公司多年黎信譽良好,但比 Binance P2P 上面既商家稍貴,想間唔中 Trade 下既可以用 Binance 既 Deposit Address 收幣。( www.myethshop.com/ 

10)btcshop.com.hk/  – 同 Myethshop 差唔多,買賣差價都係偏貴,就唔多介紹。

11)OTCXPERT – 呢間實體 OTC 店舖位於尖沙咀 The One 附近,地點就近,價錢相宜,但就只接受現金交易,可以配合 Binance 或火幣等交易所用。

12) TakeONE – 由一班 90 後開,呢間實體 OTC 店舖位於尖沙咀 The One 附近,主要接受現金交易,如果係經銀行戶口交易就要做 KYC 同埋個價會貴少少。佢現金買幣既價有時候會比 Binance P2P 上面既商家更平,如果唔嫌要親自拎現金去既話係唔錯的渠道。

其實大家再上網 search search 仲有搵到一堆其他既本地 OTC Shop 同網站可以買賣 Bitcoin 或者 USDT,但實在太多,我都懶得逐間介紹,相信大家睇完呢篇文章都會發現而家市面上已經有極多途徑可以買到或者套現 Bitcoin、USDT,唔會有一般人「買完 Bitcoin 唔知去邊賣返出去」既誤解,希望以上既資訊幫到大家,唔同既交易渠道都各有優劣,用之前記得自己小心比較下啦!有任何疑問或想盡情討論,都歡迎加入我地(每日幣研)Telegram 群組


(以上內容獲合作夥伴 每日幣研 授權節錄及轉載,原文鏈接 

聲明:文章僅代表作者個人觀點意見,不代表區塊客觀點和立場,所有內容及觀點僅供參考,不構成投資建議。投資者應自行決策與交易,對投資者交易形成的直接間接損失作者及區塊客將不承擔任何責任。

 

發佈留言

發佈留言必須填寫的電子郵件地址不會公開。 必填欄位標示為 *