香港特有的「英式廣東話」

香港是一個華洋雜處的地方，不但如此，而是華洋共處時間最長久和合作最密切的地方，很多生活習慣算是中西合璧。

香港人天天講的廣東話，當中蘊含很多英文的元素，但唔講唔知，好多香港俗語係源自「英文」，講了多年都不知不覺廣東話和英文已融化起來。廣東話中不少的名詞、形容詞、動詞等等，其實源自英文。

現舉出25多個常見例子，給你有趣味欣賞：

1. 巴士 (Bus) ，即每天乘搭的公共交通工具。

2. 士多舖 (Store)，香港很多小商店售賣汽水、糖果、餅乾、小食、甚至可租用麻雀和檯凳等等。

3. 買「飛」(Fare)，即買票，如車票，戲票等等。

4. 派頭：Pride（自豪、威風）。
50年代，流行講「派頭」這個形容詞，即是「講派場、有威勢、夠舖張」的正面稱讚。
例句：「佢地結婚，飛去法國古堡舉行婚禮，仲包埋所有親友機票食宿，真係夠哂派頭！」

5. 仆街：Poor guy（粗劣的人), 是一個鬧人的形容詞。「仆街」經常被人誤以為是「動詞」如詛咒對方「僕喺條街度！」。其實「仆街」是名詞，來自英文的「Poor guy」。「Poor」不是「貧窮」的意思，而是「粗劣、低俗、破爛」的意思。
例句：「呢條友連80歲啊婆沖涼都裝！正一仆街！」

6. 薯嘜：Schmuck（笨人)
讚人叻仔就話佢 smart，但係彈人蠢鈍就叫佢「薯嘜」！薯嘜並非源於「蕃薯的嘜頭」，「薯嘜」來自英文「Schmuck」，除了形容愚笨之外，也可應用在老土的衣著上。
例句：「嘩！乜你仲著「大地牌」冷衫？咁薯嘜架！?」。

7. 花臣：Fashion（新款式）80年代，一講到「花臣」，是指新的 gimmick（噱頭）。即是「新招數、新花款、新點子」，「花臣」來自英文的「Fashion」。
例句：「哼！黔驢技窮！睇你仲有乜野新花臣丫？！」

8. 蝦碌：Hard luck（惡運倒楣之意）蝦碌泛指拍電影時的 NG (即 No Good) ，所謂「蝦碌鏡頭」，現實生活裏，蝦碌又指忙中有錯，掛萬漏一，失之交臂。
「蝦碌」來自英文「Hard luck」, 行衰運所以蝦碌！例句：「唔好意思，一時蝦碌，將你個 master file delete 咗！你要重新再打過呀！」

9. 老粒：Rob（搶劫），90年代初，流行講「老粒」，即是搶劫。「老粒」並非指一粒老的東西，「老」字是特別加重語氣去來形容劫案，料想不到也？來自英文的「Rob」。
例句：「咪郁！老粒呀！快啲拿哂啲錢出嚟，唔係一刀捅瓜你！」

10. 符碌：Fluke（桌球術語：僥倖擊中），「符碌」指不靠實力，幸運地達成目標、純粹僥倖彩數，「符碌」來自英文「Fluke」，是但馬虎，隨便求其，但又能幸運地完成艱巨任務。
例句：「臨尾一Q，俾佢符符碌碌咁打埋個黑柴入尾袋添！」

11. 唱錢：Change（貨幣找換）當要使用另一個國家的貨幣，便要去找換店「唱錢」，「唱啲美金」、「唱啲英磅」、「唱啲人民幣」，「唱錢」來自英文「Change」（日語叫兩替店）。
例句：「下個禮拜去倫敦旅行，而家趁英磅平，唱定啲錢先！」

12. 屙畢甩：All blood（屙血），如果遇上大麻煩、辣手難題、或者死路一條，就會自嘆一句：「呢一鑊真係屙畢甩啦！」「畢甩」來自英文「blood」，如腸癌的一種徵狀，「屙血」就是很嚴重！
例句：「嚇？你架 Civic 仔竟然撞爛人地架法拉利？你今次真係屙畢甩啦，賠死你！」

13. 蛇 guare：Scare（驚嚇、恐懼),「蛇 guare」形容人「驚青，騰雞，無膽，大驚少怪」，「蛇 guare」來自英文「Scare」。
例句：「你唔好咁蛇 guare啦！乜都自己嚇自己一餐！」

14. 臨時演員叫「茄呢啡」，來至「Carefree」，這些演員用來襯托起主角和整套電影。

15. 印式廣東話「咕厘」，係英文 Coolie，葡文發音嘅 Koolie 廣東話音譯，即是我們以前叫「苦力」的人。
香港的初期，三角碼頭、中環、西環、灣仔一帶沿海地方都聚集很多「咕厘」等待工作。

16. 汽車泊車的「泊」字，來自 Parking 中的「Park」。

17. 形容靚女的「索」來自「Sharp」，指靚女明艷奪目，「條女好索」＝「條女好 Sharp！」

18. 發蹄騰 (FRIGHTENED) …好得人驚，有驚到不知所措的意思。

19. 有D啤 (DEPRESSED)…無心機做野，有失落的意思。

20. 頻能 (PANIC)…忙亂。我們常叫人不要咁頻能，即慌張忙亂。