返大陸用家要注意！即日起中國暫停儲值卡撥打電話 + 發送短訊服務

為咗打擊網絡詐騙個案，好多地方都已經實施實名制，上台或者買儲值卡，都需要實名，甚至由 2024 年一月開始，部份香港購買嘅外遊數據卡，都需要實名。

而除咗實名之外，仲有乜野措施可以做呢？

中國就採取咗最新嘅措施，而呢個措施對於平時不時需要北上嘅網友嚟講，就需要特別注意。

想知詳情，睇下文啦！

即日起中國暫停撥打電話 + 發送短訊服務

收到來自 3HK 萬能卡嘅 SMS 通知，表示根據中國服務營辦商通知，由於中國政府當局最新採取打擊網絡詐騙個案的措施，由 2023 年 12 月 28 日起，在中國內地將暫停撥打電話及發送短訊服務，直至另行通知。

而在中國內地使用數據、接聽電話及接收短訊則不會受影響。而根據內人士指出，此措施尚未影響到月費卡用戶。

接收 SMS 無問題，不過如果無辦法發送 SMS，都可能構成一些問題，畢竟我有遇過有啲驗證方式，係倒返轉要你發送一個號碼去某個大陸號碼進行驗證，仲要返到去連打電話都唔得，有時都幾麻煩，例如有時叫車，除咗司機要打畀你，有時可能你都要調轉打畀司機確認位置，無得撥打電話，都會有一定麻煩。你又點睇呢？