鳥山明傳奇一生 由三餐不繼至料身家過10億 地方稅收要靠佢？

1. 日本漫畫家鳥山明因急性硬腦膜下血腫，於3月1日去世，享年68歲。出版商集英社表示，葬禮已低調舉行。

2. 有關鳥山明作品，上星期各大傳媒都回顧咗唔少，今次就想講嚇佢嘅吸金能力

3. 據第一任責任編輯鳥嵨和彥講述，1956年出生嘅鳥山明家境貧寒，可以用三餐不繼嚟形容，佢高中畢業後，就去咗廣告設計公司做設計師

4. 由於唔慣早起身，做咗兩年幾乎日日遲到（日本公司都咁忍得？），估計自己就快「炒魷」，就決定先發制人而辭職，之後開始幫人畫插圖。後來見到《週刊少年Magazine》徵選新人漫畫家，但當時卻因趕唔到截止時間投稿而失敗。之後他轉投稿《週刊少年JUMP》，從此搭上漫畫家之路

5. 之後佢發表短篇作品，外間反應都一般，但1980年憑《IQ博士》一炮而紅，翌年改編為電視動畫，成為歷史上收視率第三高嘅動畫

6. 1984年《七龍珠》開始連載，成為全日本最受歡迎漫畫之一，連載至1995年，喺《週刊少年JUMP》上紅足11年

7. 《七龍珠》喺日本國內銷量高達1.6億冊，日本以外銷量則超2.6億冊，加起嚟超過了4.2億本。以其銷量，鳥山明大可收山退休，但之後仍有短篇新作推出，包括同《ONEPIECE》的作者 #尾田榮一郎 合作《跨越世紀》、《美味島的烏先生》、《SAND LAND》等等；而近年佢亦有為《七龍珠》系列撰寫電影劇本、角色設計等工作

8. 早計1981年，鳥山明已憑《IQ博士》登上富豪之列，至1982年，當時年僅28歲嘅佢收入達到5.39億（日圓，下同）元；1983年再下一城，收入達到了6.47億，繳稅就高達9,698萬，全愛知縣排名第一

9. 有報道指，當年鳥山明與同為漫畫家嘅加籐由美結婚，花費5億，「世紀婚禮」被傳媒大肆報道

10. 由於鳥山明多次名列日本漫畫家繳稅冠軍，更一度傳出愛知縣政府為了挽留因受到交通不便影響而考慮離家嘅佢，而興建一條高速公路，方便他迅速往返機場（傳聞之後遭到否定），鳥山明去世，除咗一班fans傷心之外，相信愛知縣亦相當「痛心」

11. 《七龍珠》連載期間，鳥山明平均年收入近8億。到1995年連載完結，年收入暴增至11.04億日圓；有傳媒而佢稅收推算，由1987年至2005年期間，總收入達141億日圓（現時匯價計約7.4億港紙）

12. 而根據日本媒體rank1-media發表嘅「日本漫畫家年收入前20名排行榜」，直到2023年，鳥山明依然是日本收入第二高漫畫家，年收入達到了14.8億（7,853萬港紙），僅次於尾田榮一郎31億日圓（約1.64億港紙）。

13. 40年來，《七龍珠》關聯市場規模，估算約265億港紙，單單係至2023年3月財政年，《七龍珠》就為日本大型玩具供應商萬代（Bandai）貢獻咗1445億日圓（折合約76億港紙）收入

14. 值得一提，近年有追開《七龍珠》嘅讀者都知道，鳥山明曾多次想提早結束連載，都被集英社一再要求延遲，（亦瞭解到點解《ONE PIECE》遲遲都唔完）

15. 近年鮮有公開露面嘅鳥山明，喺2017年因逃稅傳聞接受傳媒採訪，當時20多位投資者指出了約30億日元的申報漏報，當中鳥山明投資咗2.5億

16. 鳥山明當時回應指：「對於這件事，我完全沒有涉及，全部都是交給別人處理的」，這亦是他最後一次公開露面；收入多，交稅亦多，亦印證了某位一拖再拖連載的漫畫家為何遲遲唔肯繼續畫了