【大叔的愛-簡慕華(Francesca) 】
簡慕華10年來首次在港出席品牌活動
香港電視史上首套BL連續劇《大叔的愛》剛於上周五（16/7）播畢大結局，最後五集平均直播收視高達7.9點，創ViuTV自2016年開台以來自製劇最高收視紀錄。
而劇中一眾演員，包括三位MIRROR成員：呂爵安（Edan）、盧瀚霆（Anson Lo）、「大表哥」邱士縉（Stanley），以及黃德斌、陳子豐、「娟姐」練美娟和簡慕華（Rachel）皆人氣急升。
其中專誠由加拿大返港演出、與黃德斌（飾演KK）第三度飾演夫妻（2016年無綫劇集《鐵馬戰車》和2018年港台劇集《義想天開》）的簡慕華，她飾演「天字第一號好老婆」的Francesca，因為角色設計惹人憐愛，引起觀眾共鳴。
另一方面，以往多數演配角的Rachel今次戲份極重，令觀眾發現她演技自然兼保養得宜，現年44歲的她較當年在《同事三分親》（2007）飾演Doris的時候更靚，令觀眾刮目相看。
劇集播放期間，她在社交網絡獲得的討論度，絕對不輸「田牧K三人組」和「娟姐」練美娟，是故順理成章獲得客戶垂青，邀請出席品牌活動。
Rachel自參選「2000年度香港小姐競選」之後入行，拍過無數劇集。
然而過去20年間，她出席品牌宣傳活動的機會不多。
據了解，今次是Rachel過去10年以來，首次應邀亮相同類活動，為「譚仔雲南米線」宣傳新產品，何以今次會答應？
她接受本平台訪問時解釋：「都係呀（指甚少出席宣傳活動），我不嬲比較低調，但今次各方好熱情，好難抗拒！」
根據品牌發出的採訪邀請函，Rachel將於周三（21/7）下午應邀出席於尖沙嘴海港城譚仔分店舉行的宣傳活動。
與另外三位產品代言人（譚仔MIX GIRLS）：「Dee姐」陳海寧（Isabella）、《全民造星III》終極十強兼「大表哥」女友李炘頤（Alina，原名李靜蓮）、MIRROR隊長楊樂文（Lokman）的舞蹈員女友Luxi，以及余香凝胞妹余潔滢（Zoe）等人，一同宣傳品牌最新推出的「麻辣汁烤雞炸醬撈米線」。
屆時Rachel會即席示範撈米線兼試食這款新產品，又會接受傳媒訪問。
喺《大叔的愛》光芒四射嘅簡慕華，入行21年，終於憑《大》劇Francesca呢個角色而人氣急升，演技備受觀眾讚賞，好多人仲讚佢keep得好，靚！
所以劇中佢老公KK（黃德斌飾）轉性鍾意田田（Edan飾）後，佢同Louis（Stanley@MIRROR飾）發展姊弟戀都唔突兀，咁好又靚嘅女人，一樣吸引到後生仔鍾意。
簡慕華為拍《大》劇特登喺加拿大返香港，呢個犧牲係值得，佢亦都好開心得到觀眾、網民嘅支持：「感謝大眾對Francesca嘅喜愛，做演員最開心嘅莫過於此。」
佢話Francesca已經成為自己嘅第二個名，感覺好親切，自己會繼續努力，同埋簡慕華想同大家講：「如果非要喺回報大家對我嘅愛加上一個期限，我希望係⋯⋯一萬年。Thank you so much！Love you all！」
好冧呀~