港隊空手道代表劉慕裳，出戰僅此一屆嘅奧運空手道女子個人形比賽。
第一輪比賽先以形（套路）「泊手拔塞」，攞到25.68分排第二晉身排名賽。
第二輪賽事，Grace使出秘密武器套路「劉衛流安南大」，根據Now直播旁述、Grace港隊隊友杜小鳳形容係「從未見過劉慕棠打呢一套」。
Grace呢一套招式攞到26.40分，可惜其後出場嘅西班牙「一姐」Sandra Sánchez Jaime攞到更高嘅27.86分，所以Grace以小組排二躋身銅牌戰，將喺今日香港時間傍晚6：30pm爭奪銅牌。
雖然空手道成為東京奧運賽事，惟2024年巴黎奧運會將不設空手道，對10月將滿30歲的 Grace而言，今次可能是「唯一奧運」。