人氣組合MIRROR的受歡迎程度一直未有減退，加上近期採用一星期推出一首歌，人氣長期keep住有，更成為各大品牌寵兒，實在有很多人都抵擋不住。最近12人登上外國傳媒的專題內容，真係紅出國際。
MIRROR日前登上《紐約時報》的專題內容，以「This Boy Band Is the Joy That Hong Kong Needs Right Now」為題，探討MIRROR在香港掀起一股熱潮的原因。
報道形容MIRROR是香港年輕人奮鬥追夢的象徵，又為香港提供團結快樂力量，更直指「12名唱歌跳舞的年輕人似乎在一夜之間佔領了這座城市，並且在征服城市的同時為它注入了歡樂。」同時又表示MIRROR的出現，令樂迷重返廣東歌懷抱，關注本地文化。
Ian被稱親切的書呆子
Anson Lo被封萬人迷
MIRROR嘅威力，連美國《紐約時報》（The New York Times）亦以「This Boy Band Is the Joy That Hong Kong Needs Right Now」為題作出專題報道（這隊男子組合是香港現在需要的快樂）。報道指出呢兩年香港需要一個振奮人心嘅源泉，MIRROR 12位唱歌跳舞嘅年輕人，為城市注入歡樂，佢哋嘅各式廣告、fans嘅各種應援，甚至喺facebook群組出現擁有30萬名成員嘅「我老婆嫁給了Mirror導致婚姻破裂」，都係MIRROR喺香港掀起嘅熱潮。
報道形容MIRROR嘅音樂同mv受到K-pop影響，就好似BTS唱緊粵語歌。而記者亦分別訪問去Anson Lo粉紅巴士排隊打卡嘅人士，以及各隊員fans喜歡MIRROR嘅原因，文中引述香港中文大學研究流行文化嘅教授馮應謙嘅說話，馮教授表示「在某種程度上，這個男子組合讓年輕人重拾純真。」
呢篇報道都有提及個別成員，例如形容Anson Lo係萬人迷、Ian被親切地取笑為書呆子、姜濤因為講述童年嘅肥胖同遭受霸凌嘅經歷贏到好多人支持等，喺採訪過程中，成員仲散發親和同健康嘅傻氣。