2004年07月07日 【蘋果專訊】

「我一切都好似隨我個仔離去而冇晒……」「我家生不如死……楊永強唔辭職，我覺得最憤恨。」一場沙士風暴，令不少市民身心都留下永不磨滅的創傷，但一年過去，至今仍沒有失職官員需要受到懲處或下台。十多名沙士康復者及死者家屬昨日作出大控訴，要求生福利及食物局局長楊永強辭職。

滿報告只批評官員

十多名沙士康復者及死者家屬昨聯同香港社區組織協會舉行記者會，批評立法會沙士調查報告內容不夠完善，包括沒有評論對私家醫院的監控及當局對疫情的善後工作；而報告對主要失職官員只批評是「表現未能令人滿意」，用詞溫和，甚至未有提到失職官員如何承擔責任。不少苦主在談及經歷沙士一年來的生活時，更悲從中來，泣不成聲。

其中因為被沙士奪去二十八歲兒子生命的淘大花園居民易綺芳哭訴：「好似我個仔咁，冇接觸人，只係屋企都招惹殺身之禍。我唯一最愛人，三、四日就離開我，我個仔重係讀完書出做冇耐……」她又嗚咽道：「我呢一世心情都唔會平復，我一切都好似隨我個仔離去而冇晒……係陳馮富珍害到我咁！」

苦主今到立法會抗議

另一位去年任職龍運巴士車長時感染沙士的康復者李新維，也淚如雨下地說：「我家生不如死，骨枯五成，你話我幾大痛苦。楊永強唔辭職，我覺得最憤恨。我家生活好困難，上落樓梯就最痛苦，我希望政府真係關懷我，體恤我！」

社區組織協會病人權益幹事彭鴻昌在會上透露，該會過去共接觸九十八名沙士死者家屬及康復者，涉及四十宗向政府索償的求助個案；其中十九宗已正式發出律師信，該會將繼續跟進有關民事訴訟程序，而該會今天將聯同一眾苦主到立法會請願抗議。

此外，不少市民昨致電商台節目《風波裡的茶杯》及港台節目《千禧年代》，要求楊永強為沙士事件辭職。其中鍾先生狠批說：「如果楊永強話負責係緊守崗位，咁就真係大鑊，教訓愈大愈唔肯起身！梁智鴻上年一個月內都冇開過會，好大問題！」

康復者李新維：「我家生不如死，骨枯五成，你話我幾大痛苦，楊永強唔辭職，我覺得最憤恨。」	死者家屬溫祖楠：「政府賠償都好，金錢買唔番我親人，有過失官員好應該企出交代，唔好再話『冇人需要辭職』。」

死者家屬曾仲嬋：「我唔明楊永強憑乜重坐呢個位（福局局長），係邊個令到我咁？」	死者家屬易綺芳：「我呢一世心情都唔會平復，我一切都好似隨我個仔離去而冇晒。」	康復者陳佳娜：「成年咁耐我身體都好差，今時今日邊個可憐我，事實上醫管局都冇關懷過我。」