|
|
422.雙層九巴處女行
形容行得慢，可以用「蟻躝」呢個詞語，舉個真實例子：
1949年4月17日，九巴由英國引入香港首批雙層巴士九龍處女行，時速竟然只得10咪，真係慢過蟻躝！
如果家仲係咁行，接到投訴分分鐘仲多過成日超速亡命小巴。
九巴首次總共引入20架雙層巴士，首日只派出四架試車，雖然當時搭巴士都算幾奢侈，但都吸引好多唔趕時間人搶先試搭，仲人人爭住坐上層睇風景，享受高人一等感覺。
不過果時落車冇得按鐘仔，上層搭客想通知司機停站過程認真繁複，首先要由上層售票員吹BB，梯口管理員再打一下個鈴鈴，司機聽到先至會停車，成個車程都幾嘈。
九巴最先引入雙層巴士，車身冇印上九巴標誌，sell簡約。
|
資料提供 : 帝國
|
