|
|
|
2004年9月20日 【蘋果專訊】 「我個女唔使捱刀 真係好開心」 「知道自己就可以換肝，真係好開心！因為我個女最後都唔使捱一刀。」因獲有心人捐出屍肝作移植而重獲新生的肝病病人Michelle，憶述當日獲得別人捐贈一份「生命的禮物」，毋須剛滿十八歲女兒Jamie捐出部份肝臟時，不禁流露喜悅安慰之色。 曾因未能等到合適肝臟而命懸一線的Michelle，上月二十九日終獲有心人捐出屍肝，目前康復進展良好，預計中秋節前可以出院。她現在仍是骨瘦如柴、面色泛黃，但精神不錯，胃口也恢復過來。 「去醫院做義工」 她昨以響亮聲線對記者說，過去一年等候換肝期間幾乎以醫院為家，並感到成功換肝機會渺茫，但從未萌生放棄念頭。「生命唔在乎長短，過得有意義就冇遺憾！但我都有信心我一定好番，我個女係我動力，而且我重有好多野要做，我重要去醫院做義工，去安慰其他病者。」 她坦言當知道女兒Jamie的肝臟適合自己時，加上至愛女兒毫不吝嗇的支持和鼓勵，令她更加對未來存一絲希望。她清楚記得進入手術室前的一刻，女兒送了她一個深情的擁抱。 Michelle強調「我覺得自己有好大得，好幸福，因為幸福唔係咁易有，幸福唔係必然。我會好珍惜我個肝，因為係咁難得，咁辛苦，咁幸運先得到。我會更珍惜所有既野，每刻每秒，珍惜眼前人，珍惜身邊所有人！」 呼籲市民捐器官 女兒Jamie將在下月初返回加拿大繼續學業，Michelle最希望可與女兒一起共度中秋佳節，補償過去十二年來母女分隔兩地的相思之苦。 她慶幸重生的同時，特意寫了一封公開信給香港市民，藉此呼籲市民開放思想，支持器官捐贈，「我第時都一定願意捐出我器官！」
|
|
|
