| 網絡生活 |
|
|
我次次都著紅色衫，等人好遠都睇到我；想粥冇咁易跌，粥底一定加張報紙，千祈唔好用卡紙，報紙有friction（摩擦力），三層四層都食得住。
我讀過TI（工業學院），學過力學，呢樣難唔到我。你睇好似好重，其實最重係你拎上去個陣，但一上到頭，搵到個平衡點就唔覺重。
六十年前，柴灣仲未填海，我阿公已經係海皮開檔賣粥。
我每日放學，就係屋企整煎堆，然後一盤盤咁用頭頂去檔口。
當時個個送貨都用頭，有咩咁出奇？
呢度街坊睇住我大，佢地喜好我最清楚。添記老闆娘食白粥唔要鹽，合成老細食腸粉一定要有辣椒醬，魚檔老細食艇仔粥一定要走牛，菲傭食米粉就要加檸檬汁。仲有個婆婆成日食粥唔俾錢，不過算啦！
我唔期望仔女接手，亦唔一定要佢讀書叻。我頂幾十年，頂到仔大女大，只想佢聽聽話話，勤勤力力，有能力在社會生存，咁就好足夠喇。
|
每朝七點半，我都會頂住三十幾碗粥行半個鐘，上樓梯過馬路送外賣。