大叔的愛

Viu購自日本朝日電視台版權而翻拍嘅人氣話題劇《大叔的愛》,喺播映完畢後亦播返日版,港版原定喺今個秋天登陸日本,但噚日有新消息指港版會喺8月21日、即係嚟緊周末起喺視頻發行平台TELASA上架,朝日電視台亦會喺同日播出第一集嘅頭20分鐘片段,以及演員談話影片,換言之港版係提早上架。

TELASA官方網站已經公佈港版8.21嘅上映日期,日媒報道指港版《大叔的愛》嘅「田田」同「阿牧」,係由香港流行舞蹈團體MIRROR成員呂爵安(Edan)同盧瀚霆(Anson Lo)熱情表演,「KK」由人氣男演員黃德斌飾演,創下Viu TV電視劇類開播以來嘅最高收視紀錄,並形容充滿港版獨有嘅有趣元素,例如熟悉嘅名場面、新增嘅集數(日版7集、港版15集),以及令觀眾想模仿嘅舞蹈。

呢次係MIRROR成員首次正式有作品登陸日本市場,除咗Edan同Anson Lo外,仲有大表哥Stanley;另外飾演八卦又為食OL嘅練美娟,亦獲得《大叔的愛》嘅本尊「舞舞」瀨川舞香(伊藤修子飾)喺社交媒體稱讚,話娟姐扮蒙古姑娘好笑。日版導演之一嘅齊藤由貴,更盛讚香港團隊嘅製作,「演技、導演、剪接、場地、服裝、化妝,以及對原作的尊重和熱愛,都令我相當佩服」,相信港版喺日本播出時,都有一定注目度。

發佈留言

發佈留言必須填寫的電子郵件地址不會公開。