香港第一女優繪麗奈

繪麗奈成功進軍日本AV界，成為香港第一女優，她曾接受「BBC News 中文」訪問，表示在壓力中做自己。

她在IG限時動態貼短訊對話截圖，收到一位「TVB J2台節目」人員短訊邀約做嘉賓，繪麗奈回覆：「唔知你喺邊度拎我電話，另外我不上 TVB 的，謝謝邀請」

翻查資料，自出道以來一直話題不斷的绘麗奈，則先後出席 ViuTV 和杜汶澤《喱騷》的節目做嘉賓，她指拒絕 TVB 是因為風格不合，而且她說話較直接，「一陣間我唔小心講錯嘢，幫我打格仔就唔好。」

由於對方透過短訊找她，直腸直肚的繪麗夽不滿表示：「其實真的很不喜歡無啦啦有人畀我電話人」「仲試過我問返佢邊個畀佢，佢話唔方便透露，咁點解佢方便透露我電話比人」、「另外，大家其實可以喺IG add我，我係會回覆」、「同埋正常嚟講唔係應該問咗當事人介唔介意畀電話其他人先嘅咩」。

單人匹馬冇後台的繪麗奈，不止成功打入日本AV界，亦成功在香港闖出名堂，成為AV女優後收到唔少工作邀請，在自主自決下，今次不問細節已直接拒絕TVB，果然夠曬性格！

繪麗奈於2023年3月正式宣佈以AV女優身份出道，成為女優前，她曾於2022年亮相 ViuTV 節目《晚吹 – 戀講野》做嘉賓談出軌經歷；而成為女優變風頭人物後，截至現在接演的工作都好揀擇，包括：

客串N9《二泊三日》MV；

接受杜汶澤「喱騷」自家節目《TO DO LIST》邀請，打頭陣跟黃秋生撐檯腳；

再度亮相ViuTV節目《晚吹–讓我一次買個夠》，接受唐劍康和練美娟訪問；

在《未來音樂祭TONE MUSIC Festival 2023》與P.R.O.J.E.C.T. 9、鹽焗雞$alty Chick組成期間限定組合，合唱《點解好仔都係細J》、《只想有人令我呼叫》及《我唔要男人只係需要X》。