自C朗加盟之後,曼聯既氣氛瞬間沸騰

蘇斯克查賽後評價C朗:「自C朗加盟之後,曼聯既氣氛瞬間沸騰,球迷喺過去10日好享受,期望值亦升上頂點,而C朗最終成功交貨。

C朗就係C朗,佢提升所有人既水平,令其他人專注,先以極高水平要求自己,再將呢個極高水平感染俾隊友,以至以極高水平投射俾教練團,呢種紀律性解釋左點解佢生涯咁屈機。

而C朗而家仲進化左,比起離開曼聯時成為唔同既球員,但佢仍然係一個冷酷無情既終結者,把握到重要時刻,知道邊度會有入球機會。

C朗喺呢幾年進步成一個更好既球員。

佢可以由邊線發難,然後轉身殺入禁區完成攻勢。

你唔會淨係叫佢等波到,因為佢鍾意游弋搵機會。

而C朗最勁係佢游弋得黎又預計到重要時刻,喺適當時機走入禁區。

C朗而家以一種既成熟又簡單既方式踢波。佢唔會控甩太多波,今日就只控甩一球,踢得非常有效率。

除非C朗本人想被換走,否則我唔會換走佢,因為佢需要比賽時間,需要寓賽於操。

佢只係經歷左少少季前賽,又錯過左啲祖記同葡萄牙既比賽,所以要注入90分鐘既比賽強度令狀態增強。」

By:波事春秋

發佈留言

發佈留言必須填寫的電子郵件地址不會公開。