借戶口畀人有錢賺？小心洗黑錢陷阱！

不想努力了？

小心犯罪集團睇準你想不勞而獲嘅心態，氹你墮入洗黑錢陷阱，隨時令你惹禍上身！

佢哋會透過傳銷電話同社交平台，以「搵快錢」吸引你出售或借出銀行戶口，又或者利用你嘅個人資料嚟開戶，然後用呢啲「傀儡戶口」收取騙款或其他犯罪得益，亦即係「洗黑錢」！

金管局提提你，千祈唔好出售或借出銀行戶口畀其他人，因為戶口可能會被操控用作非法用途，而對你構成洗黑錢罪，最高刑罰係罰款港幣500萬同監禁14年㗎！

來源 : 【騙案實錄】