姜濤成首位MIRROR成員入圍全球百大俊男提名

姜濤本來拍緊新劇《季前賽》,但因為疫情影響而停拍三個禮拜,呢段時間阿姜正好沉澱一下,為第十胎單曲做準備,佢喺ig就講番自己除咗對新歌有想法外,亦特別許個願,希望世界和平。

其實阿姜日前開live有講開,自己好鍾意跑步,跑步又會為佢帶來做歌靈感,「嚟緊十胎都係跑步諗出嚟,嗰下就即刻打畀所有人,想咁樣做咁樣做。」

另外,美國網站TC Candler今早正式公布姜濤獲得提名「全球百大型男」﹐並特別多謝數百位MIRROR fans喺patreon支持佢哋嘅成員,而阿姜係第一位獲官方公布入圍嘅MIRROR成員,嚟緊公布嘅鏡仔提名名單仲有Anson Lo、Edan、Ian同AK。

TC Candler嘅百大俊男美女選舉,入圍名單主要靠fans喺網上推人氣,之後要課金加入主辦方嘅patreon月費計劃先有得投票,賽果見仁見智,但就有助各地偶像名人喺海外被更多人認識及關注。

發佈留言

發佈留言必須填寫的電子郵件地址不會公開。