「通波仔」同「搭橋」都係治療冠心病嘅方法,兩者有咩分別呢

幾時通波仔?幾時搭橋?

「通波仔」同「搭橋」都係治療冠心病嘅方法,大家又知唔知道,兩者有咩分別呢?
通波仔屬於微創手術,相對簡單,適用於大部分冠心病個案;搭橋屬於開胸手術,相對複雜,一般用於嚴重個案,例如冠狀動脈好多地方阻塞嘅情況。

❤️ 「通波仔」過程

1. 患者先接受局部麻醉
2. 醫生從手腕或大腿插入導管,導管喺X光指引下進入血管收窄位置
3. 導管上嘅氣球同支架撐開,打通收窄位置
4. 支架會留喺血管之中,防止血管再次收窄
5. 患者可於手術後一至兩日出院
近年,「通波仔」嘅植入物進步良多,例如「生物適應架」或有助動脈較自然地擴張同收縮。

❤️ 標準「搭橋」過程

患者先接受全身麻醉
醫生打開患者胸腔,將血液引流至心肺機
醫生從患者其他身體部位取出血管,接駁冠狀動脈,繞過阻塞部位
患者術後送往深切治療部留醫一至兩日,之後或需再留醫一週

生物適應架原理係點?

傳統支架限制咗動脈自然擴張嘅能力,因此可能增加中風、再次心臟病發等嚴重心血管問題嘅風險。幸而,近年冠心病治療嘅新發展「生物適應架」,可以針對以上問題。

生物適應架配備獨特嘅「開孔元件」,開孔元件釋放之後,血管可以較自然地擴張同收縮,可以適應日常活動要求、生理機能同疾病進展,隨住時間,或有助減低嚴重心血管問題嘅風險。

生物適應架配備

來源 : 心接觸

發佈留言

發佈留言必須填寫的電子郵件地址不會公開。