【醫家話你知】想瘦靠佢啦👨⚕️～
大家一定有聽過冬瓜減肥法？但係，係咪真係有效呢🤔？其實，喺《本草綱目》都有記載過冬瓜可清熱利水，肥人常食之，可助於減重。
不過，原來有時有啲朋友會有「假肥胖」，即係身體嘅濕氣過多而形成身重、腫脹、面黃、胃脹、肚腩增大、水腫等問題😌。
冬瓜唔單止🟣可幫助身體排走過多水分，減輕水腫，仲同時🟣降膽固醇同埋脂肪，皆因內含「丙醇二酸」，能夠抑制醣轉化為脂肪。再加上佢超豐富嘅膳食纖維，可刺激腸胃運動，🟣降低便秘同埋起🟣排毒作用㗎。
冬瓜除咗可減磅之外，佢仲有其他健康功效，大家不妨睇睇：
1. 美白🌸：
李時珍曾講過冬瓜可養成好面色，益氣不饑；而《神養本草經》亦提及冬瓜能夠和顏悅色，起到美白作用，令肌膚變得透白、水潤。
美白小秘方：將冬瓜籽曬乾，再磨成粉，混合水嚟洗臉、敷臉，可淡化斑點同埋潤澤肌膚㗎。
2. 降火：
由於冬瓜屬於寒涼食物，所以好適合消暑、降火，不妨喺打邊爐時製成冬瓜茶，降降火氣㗎。
小心： 體質虛冷嘅人喝咗，會易拉肚子㗎。
3. 止咳化痰：
冬瓜籽有清熱化痰作用，而冬瓜皮加水嚟煮仲可緩解熱咳添。
4. 改善小便：
建議尿量較少嘅朋友仔，不妨用赤小豆、薏米加排骨同埋冬瓜嚟煲湯，皆因冬瓜可解熱治小便，所以可幫助小便暢通，值得一試。
5. 抗癌：
冬瓜籽內豐富嘅礦物質硒成分，佢可減少有害自由基嘅產生，保護基因、細胞膜同埋蛋白質，有防癌功效。
💡醫學小知識：熱咳係指痰黃、痰黏稠。
🎬同場加映：點樣保存切開嘅冬瓜呢？
由於切開後嘅冬瓜會出現一點一點嘅黏液，建議用保鮮紙包住切面，再放入雪櫃，可保存3至5日。