夠65歲可以申請哪些福利

夠65歲可以申請哪些福利?長者咭、長者生活津貼、生果金,邊樣申請得?而家就同大家一文睇清!

好多人以為到了65歲就可以申請「生果金」,但其實係要70歲或以上先申請得,「生果金」個真名係「高齡津貼」,唔需要入息同資產審查,只要符合年齡就可以申請,每月拎1,475元。

至於年滿65歲、唔需要審查就可以申請的就係「長者咭」,有了長者咭,就可以享用2元搭車優惠,同埋政府部門、商戶都會提供各種優惠票價、折扣同優先服務。

長者生活津貼

政府亦有為65歲或以上人士提供「長者生活津貼」,不過就必須通過入息同資產審查先有得拎。

「長者生活津貼」有分普通額度同高額,申請人可以根據婚姻狀況來決定用個人定係夫婦為單位來申請,每月總入息同資產上限要求會有唔同。

普通長者生活津貼及高額長者生活津貼現時每月金額分別係2,845元同3,815元。

單身人士(1) 夫婦(2)
普通長者生活津貼 每月總入息 $10,330 $15,620
資產總值 $365,000 $554,000
高額長者生活津貼 每月總入息 $10,330 $15,620
資產總值 $159,000 $241,000

(資料截至2021年12月,最新數據可至社署網站查詢)

值得留意的是,如果以夫婦為單位去申請,但申請時只有其中一人年滿65歲,亦需要共同申報入息同資產,如果符合資格的話,滿65歲的那一位可以先拎津貼,而另一人就要等到夠65歲時再一齊申請。

發佈留言

發佈留言必須填寫的電子郵件地址不會公開。 必填欄位標示為 *